Ağ Qvardiya, Mixail Bulqakov

Mixail Bulqakovun ilk romanı olan "Ağ Qvardiya", 1918-ci ildə Ukrayna vətəndaş müharibəsi zamanı rus ziyalılarının ailəsinin və onların dostlarının yaşadıqları sosial çalxalanmalardan bəhs edir. Roman əsasən avtobioqrafik xarakter daşıyır və bütün əsas qəhrəmanların prototipləri vardır. Bunlar Bulqakov ailəsinin qohumları, dostları və tanışlarıdır. Əsərin səhnəsi 1918-ci ildə Bulqakov ailəsinin yaşadığı Kiyev küçələri və evdən ibarətdir. Romanın əlyazması qorunmasa da, tədqiqatçılar əsərdə təsvir olunan çoxlu obyektlərin prototiplərinin həyatını dəqiq müəyyənləşdirmişlər. Rekviem janrında yazılmış romanda müəllif rus ziyalılarının dünyasını təsvir edir. Əsər vətəndaş müharibəsi haqqında böyük trilogiyanın ilk hissəsidir. "Ağ Qvardiya"nın bir hissəsi 1925-ci ildə Rusiyada, tam olaraq isə 1927-1929-cu illərdə Fransada dərc olunmuşdur. Tənqidçilər romanı birmənalı qarşılamağdılar. Sovet tənqidçiləri müəllifi "sinif düşmənlərini qəhrəmanlaşdırmaqda" ittiham edirdilər, immiqrant tənqidçiləri isə onu Sovet hökumətinə sadiqlikdə günahlandırırdılar. Sonralar Bulqakov "Ağ Qvardiya" əsəri əsasında "Turbinlərin Günləri" adlı dram yazdı və bu drama bir neçə dəfə səhnələşdirildi.