Yar adam

Xəyallarınla gəzəcəyin bir məhəllə düşün. Və ya milyon dəfə toparlanmış, duyğulardan ibarət dağınıq bir otaq. İçin içinə sığmayanda gedəcəyin bu kitab kimi. Bilirsən? Ağlayaraq gülümsəmək xoşbəxtliyin, gülərək ağlamaq isə kədərin zirvəsidir. Mən də bir an ağlımı itirdiyimi zənn etdim. Sonra gördüm ki, ürəyim yenidən inşa olunur. Biz kimsənin gecəsinə işıq olmağa gəlmədik. Öz kefimizdən içimizdə yanırıq. Buradakı misralarda bənzərin olacaq, sadəcə adını tapa bilməyəcəksən. Səyahətə çıxmağa hazırsan? Gülüşünü götür, gəl! İndi susuram, amma finalı çox gözəl hazırlamışam...