Yaşıl evin Ennisi

"Yaşıl evin Ennisi" Lüsi Mod Montqomerinin ən məşhur əsəridir. Övladlığa oğlan uşağı götürmək istəyən bacı-qardaş Metyu və Marillanın planları bir səhv nəticəsində alt-üst olur. Onların "Yaşıl ev"lərinə oğlan yerinə həssas, səmimi, kürən saçlı və hər şeyə maraq göstərən balaca bir qız göndərilir. Enni Şirli adını daşıyan bu qeyri-adi qız, təkcə bacı-qardaşın deyil, ünsiyyətdə olduğu hər kəsin həyatını rəngarəng və şənləndirir. Kitab, uşaqlara sevgi, humanizm, həyat sevgisi, inam və dostluq kimi dəyərli hissləri aşılayır.