Briliyant Məsələsi

Müharibədən yenicə çıxmış sovet Bakısında mütəşəkkil cinayətkar dəstə hər cür hadisə törədir: narkotik, qumar, oğurluq, quldurluq, zorlama, qətl... Cinayətkar dəstənin başında duran Tapança Yədulla qorxunc olduğu qədər də maraqlı bir tipajdır. Bu obraz müəllifin tərəfindən reallıqdan götürülüb. Müstəntiq Əli Rəsulovla Yədulla köhnə tanışdırlar. Bu tanışlıq düyünlərin açılmasına kömək edir. Ancaq həm də mane olur. Çünki qarşı tərəf də öz düşmənini tanıyır, taktikasını bilir və daha ehtiyatlı davranır. Kitab bu iki parlaq obrazın şəxsində ədalətlə cinayətin savaşına həsr olunub. Bəs qalib kimdir? Sualın cavabını oxucu özü tapacaq.